Алматыда атышулы балабақшадағы былықтар расталды

Алматыда атышулы №123-ші коррекциялық балабақшаны тексергендер бірталай былықтың бетін ашты. Сөйтсе мұнда, науқас бүлдіршіндердің тоя тамақ жемегені былай тұрсын, ем-дом шаралары да дұрыс жүргізілмепті. Бұл туралы КТК телеарнасы хабарлайды.

Сурет yvision.kz

Бұған қоса, ата-аналармен қуаласпақ ойнаған мекеме меңгерушісінің жұмысқа өз туыстарын қабылдағаны да расталды. Мұнда Гүлнар Наурызбаеваның туған әпкесімен қатар, тағы бірнеше жақыны қызмет еткен. Қалалық білім бөліміндегілер қазір бұл олқылықтардың бәрі жойылды деп сендіріп отыр.

Дегенмен, атышулы балабақша бір жыл бойы қатаң бақылауда болып, әрбір екі ай сайын тексеріліп отырмақ. Қазір меңгеруші қызметін осында бұрыннан еңбек етіп келе жатқан тәрбиеші атқаруда. Алдағы уақытта арнайы конкурс өткізіліп, жаңа басшы сайланбақ.2 ай бұрын ата-аналар балабақшадағы бүкіл былықты жайып салған. Осыдан кейін, мекеме басшысы жұмыстан қуылған болатын.