Соңғы жаңалықтар
Соңғы жаңалықтар

Алматыда 7 баласын жетектеген батыр ана бас сауғалайтын жер таппай, қаңғып жүр (фото)

Өйткені, пәтер түгілі, қара нан алып жеуге жағдайы жоқ. Отағасы өзектен тепкендерді тума-туыс та, пәтер иелері де үйінің маңына жолатпайды. Сондықтан, шиеттей бала-шағаға жол шетінде отырып тамақ ішіп, шөп арасында түнеуден басқа шара жоқ, деп хабарлайды КТК арнасы.

7 баласымен далада

7 баласын жетектеген Шынар бүгін түнейтін жер іздеп жүр. Жоқшылық жүдеткен отбасының пәтер жағалап, кезбе өмір сүргеніне біраз болған. 3 күннен бері тіпті нағыз қаңғыбасқа айналыпты.

“Қожайыным: “Балам үйленеді, жөндеу жасаймын босатыңдар” деді. Ақша қосайын деп, айттым.  Ол «жоқ» деді”, – дейді көпбалалы ана Шынар Сәрсенбаева.

Содан бері бұлар көше кезіп қалған. Өйткені, басқа барар жері жоқ. Ал, отағасы 4 жыл бұрын 7 баланы еңіретіп тастап кетіпті. Тума-туыс та теріс айналған. Ыстық тамақ жеу шиеттей мына бала-шағаға арман. Өйткені, батыр ананың мемлекеттен алатын 14 мың теңгесі қара наннан артылған емес!

кішкентай кыз2306

“Тамақты далада ішеміз. Кішкене балалар жылайды. Екеуі әлі оны түсінбейді”, – дейді Шынар Сәрсенбаеваның қызы Толқын Сәрсенбаева.

толкын сарсенбаева

Бұл отбасы ең болмаса жалдауға арзан баспана тапсақ дейді. Бірақ, оны да іздей-іздей шаршаған. Өйткені, баланың көптігін естіген пәтер иелері тұтқаны қоя салады. Сәрсенбаевтар көмек сұрап шенділерді де жағалаған. Бірақ, олар да көмектесуге қауқарсыз.

“Бұл кісілер Алматы қаласында тіркеуде тұрған жоқ. Қаскелең ауданында тіркеуде тұр. Сол үшін үй мәселесін, пәтер мәселесін шешу біздің қолымыздан келмейді”, – дейді Наурызбай ауданы әкімдігі әлеуметтік сала бөлімінің басшысы Жанна Қожамбердиева.

Алайда, көпбалалы отбасының аянышты тағдыры шенділерді бей-жай қалдырмапты. Сондықтан, қазір олар қоғамдық қорлармен сөйлесіп, бұларға бас сауғалайтын жер іздеуде. Ал, батыр ана көпке қол жаюдан аулақ. Арзан пәтер табылса, 7 баласын өз еңбегімен асырауға дайынмын деп отыр.

балалар 2306

Жіберіп алмаңыз:

Қандасымыз Қытай үкіметінің қазақтарға істеп отырған қиянатын Елбасыға жеткізді

Қостанай облысында ата-ана 9 жасар ұлдарын тамақ бермей аштан қатырған

Шымкенттік полицей жас қызды өлімнен құтқарған ерлігі үшін пәтерге ие болды

Ақмола облысында бұрынғы әкім әйел зорлады деген күдікке ілінді

Талқылау