Алматыда 3 жасар қыз қаңғыбас иттердің талауынан көз жұмды
Алматының Алатау ауданында Ақбұлақ кентінде үш жасар қыз қаңғыбас иттердің талауынан көз жұмды.
Бұл туралы Қазақстан жаңалықтары хабарлайды.
Жедел-тергеу тобы оқиға орнына барғанда 2013 жылғы қыздың үй ауласында ойнап жүріп, иттерге таланғаны анықталды. Алған жарақаттарынан қыз бала сол жерде көз жұмған.
“Жедел-тергеу тобы оқиға орнына барғанда 2013 жылғы қыздың үй ауласында ойнап жүріп, иттерге таланғаны анықталды. Алған жарақаттарынан қыз бала сол жерде көз жұмған”,-деді қалалық ІІД ресми өкілі Салтанат Әзірбек.
Оның мәліметінше, 102-ге қыздың атасы хабарласып, немересінің иттерге таланғанын айтқан.
Сот-медициналық сараптама тағайындалады. Осы дерек бойынша тергеуді Алатау аудандық ІІБ жүргізуде. Тергеудің қорытындысы бойынша процессуалдық шешім шығарылады.
Талқылау