Алматыда 1 миллиард теңге тұратын пәтер жұртты шошытты

Сейсенбі, 3 Мамыр , 2016 22:46

Құны көк тіреген үйлер теңге құнсызданған сайын қайта қымбаттап, ендігі өтпей де қалған. Ал үйге мұқтаж жандар көбеймесе, сиремеген. Әйтседе, бүгінгі баспана бағасы арзан үйден үміті барлардың күдерін біржолата үзген сыңайлы. Орта жолдан қосылған маклерлер де жұрттың “үйге” деп жиған қаржысына қол сұғып, баспана алуды одан сайын қиындатқан, – деп хабарлайды “КТК” арнасы.

image

Фото: styknews.info

Ақсәуленің бар ойы – баспана. Отбасылы болу арманы орындалғанымен, жұбайы екеуі емізулі сәбиімен кісі босағасында жүр. Жарының 70 мың теңге жалақысы пәтер ақысына жетіп, үшеуі күйеуінің “таксиші” боп тапқан ақшасына күнелтіп жүр.

“Қарасаңыз, 50-55 мың долларға алуға болады дейді. 50 мың доллар 20 миллоннан асады ғой! Ол ақшаны сен өзің былай жинап ала алмайсың ешқашан. Осылай бір айлыққа қарап отырған отбасылар олай ала алмайды”, – дейді Ақсәуле Сұлтанмұратова.

Баспананың арманға айналғанын мамандар да мойындап отыр. “Арзан үй жоқ” дейді Азамат Дүйсенбаев. Бір өзі 60 пәтерді саудалап жатқан риэлтордың айтуынша, Алматыда үйлі болу үшін қалтада ең кемі 10 миллион теңге болу керек.

300 шаршы метрден тұратын 5 бөлмелі алып пәтердің құны 600 мың доллар екен. Оны теңгеге шаққанда қазіргі курспен 600 мыңды көбейтеміз 332-ге. 199 миллион 200 мың теңге. Бірақ, бұның өзінде де ең қымбат пәтер емес. Риэлторлардың айтуынша, Алматыда ең қымбат пәтердің құны 1 миллиард теңгеге дейін жетеді.

Яғни, сарапшылардың баспана алда арзандайды дегені бос сөз болғаны. Қазірдің өзінде орта қолды пәтердің өзі 18 миллион теңгеден басталады. Ал орталықтан ойып тұрып аламын деушілерге, құрығанда 40 миллион қажет. Теңгенің құнсызданғанына байланысты сауда осылай саябырсыған. Әйтсе де, элиталы үйлерге біраз сұраныс өскен.

“Сұраныс болып тұр ғой. Ақшасы бар адамдар алады ғой”, – дейді риэлтор Азамат Дүйсенбаев.

Пәтер құнының қымбаттай түсуіне маклерлердің де кері әсері тиген. Өзгенің үйін өз тауарын айналдырған олар сатып алушылардан 700 мың теңгеге дейін үстеме ақы жинап жүр.

Пәтер саудасынан пайда тапқандар осылай сатып алушыларды соңғы тиынына дейін сыпырып алуға даяр. Заңдық тұрғыдан барлық көмек көрсетіледі дегенмен, сатушының да, сатып алушының да қалтасын қағатын мұндай пысықайлар тек мекен-жай көрсетуден арыға бармайтын көрінеді.


Оқи отырыңыз:

Жаңадан сайланған депутаттар жеке кабинеті мен қымбат пәтерін көрсетті

Қостанайда алаяқ екі бірдей зейнеткердің пәтерін иеленіп алған

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

1
Комментариев
  • Жұмбақ жан says:

    Шымкенттен арзан жер алып сол жерден уй сале керек шымкентте арзан. Шымкент не алматы не бəрі бір болады жақында. Шымкентте таулы аймақ

Leave a Reply

Your email address will not be published.

Орташа айырбас бағамы
28.03.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар