Алматы облысында төзімі таусылған ұстаз газет-журналға жазылуға мәжбүрлейтін басшылықтың әрекетін жайып салды

Сенбі, 21 Қазан , 2017 18:33

Ұстазды қанау! Алматы облысында мұғалімдерді газет-журналға жазылуға мәжбүрлеу әлі тоқтамаған. Мектеп қызметкерлері қажетсіз басылым үшін 10 мың теңге беруге биыл да міндеттелуде. Ал, басшылықтың бұл бұйрығын орындамаса, қуғын-сүргінге ұшырайды екен, – деп хабарлайды КТК арнасы.

Мұғалімдерді газет-журналға жазылуға мәжбүрлеуді доғару мәселесін бұған дейін депутаттар да талай көтерген. Бірақ, одан еш нәтиже шықпапты. Жылдар бойы осы қалыптасқан жүйеге үнсіз көніп келген ұстаздардың бірі бүгін жан айқайын біздің тілшімізге айтып берді.

Манар Кәшепова қазір газеттен үй салатын жағдайға жеткен. Онда да оларды оқу үшін емес, амалдың жоқтығынан сатып алады. Яғни, мектеп басшылығы міндеттейді. Ұстаздық еткен 27 жылдан бері көргені осы. Ал, айлығының 10 мың теңгесін газет-журнал үшін жырып бермесе, қуғын-сүргінге ұшырайды екен.

“Бермесем келесі жылы сентябрьде сағаттан қысады. Сағат бермей қояды. Класс бермей қояды. Сондай жағдайлар болады. Қуғын-сүргінге ұшыраймын”, – дейді мұғалім Манар Кәшепова.  Содан қорқып, мұғалімдер басылымға амалсыз жазылатын көрінеді. Айтуынша, тек Панфилов ауылындағы №33 орта мектеп емес, Талғар ауданындағы барлық білім ошағындағы жағдай осындай.

“Бәрі наразы. Өйткені, кішкентай ғана аз ақшамен өмір сүріп жатырмыз біз. – Бейшара біз мұғалімдер басқа организацияларды, мынаның редакциясын, мына газеттің редакциясын ақшамен қамтамасыз етеміз. Ал мынаның ішінде бізге керекті ешқандай ақпарат жоқ. «Учитель Казахстана», «Қазақстан мұғалімдері» деген болса жарайды”, – дейді мұғалім Манар Кәшепова.

Тіпті, оқушылардан да газет-журналға ақша жиналады дейді ашынған ұстаз. Ал, мектеп директоры ол басылымдар мұғалімдердің сауатын аша түсу үшін қажет деп отыр. Сондықтан, одан қаржыны аямауға кеңес берді. “Мен ойлаймын бұл газетте бәрібір еліміз туралы, неше түрлі мына жаңғыртуға байланысты мақалалар шығарып жатыр, өзіміз үшін мен ойлаймын, өзіміздің сауатымыз үшін бұл газет керек. /01:41:39/ – Ешкімді мәжбүрлеп жатқан жоқпын”, – дейді мектеп директоры Эльмира Баймолдаева.

Артынша директор мұғалімдерден ақша жинаған кітапханашы деп ақталды. Ал, оның өзі бүгін әлдебір семинарға кетіп қалыпты. Ұстаздардың жалақысынан ай сайын түрлі басылымдарға деп ақша ұстап қалуды тоқтатуды депутаттар да талап етумен келеді. Өйткені, мұның ұзақ уақыттан бері жалғасып келе жатқан үрдіс екені жасырын емес.

“Мемлекеттік қызметкерлерді, әсіресе, мұғалімдерді газет- журналдарға мәжбүрлеп жаздыру әлі жалғасып келеді. Отандық басылымдар осы жолмен күн көруді жалғастыра бере ме? Одан да газет-журналдар реформа жасап, сапасын арттырмай ма?” – дейді Мәжіліс депутаты Ирина Смирнова.  Бірақ, Мәжілісте көтерілген мәселе әлі шешімін табар емес. Ұстаздардың да шыдамы таусылып барады. Олар енді өздерін оқымайтын газеттен министр Ерлан Сағадиевтің өзі құтқарса дейді.


Жіберіп алмаңыз:

21 қазанға арналған ауа райы болжамы

Трансгендер жақын достарының 10 жасар қызын зорлап тастаған

Әйел бет тазарту процедурасынан кейін көз жұмды

Алматыда сауда орталығының 3-қабатынан құлаған бала есін жиды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

3
Комментариев
  • Anonymous says:

    Бұл жағдай тек Алматы емес Шымкентте де бар. Директор немесе кітапханашы емес, оны əкімшілік жүктейді. Газеттің атауын, санын міндеттейді. Қаласа да қаламасаң да. Мұғалім амал Жоқ, жылына екі рет газетке жазылып отыр. Алған газеттерді от тұтатуға немесе əжетханаға жаратады. Шындық осы

  • Anonymous says:

    Дурыс айтады 10.000 емес 20.000 га жазыламыз, кандай газетке жазыласын деген ангиме жок, квитанция акелип, акшаны бер дегенде бирак коремиз кандай газетке жазылганымызды, мектеп китапханашысына карсылык билдирсен, баратын жерине бара бер деген соз естисн….казир мектеп китапханашысынын да даурени журип тур….

  • Anonymous says:

    Бұл барлық облыс,аудан,ауыл мұғалімдерінің ондаған жылдар бойы амалсыз көніп келе жатқан нəрсесі. Біз үйде білім саласында үш адам жұмыс жасаймыз. Міндетті газеттер бар. Амал жоқ, сонда үйге əлгі газеттердің үш данасы келеді. Мойныңа қиып салады. Кейінгі кезде пəн бірлестігіне бөліп береді. Шырылдап жүрген бірлестік жетекшісінен ұялғаннан жазыласың. Бұл- мектеп директорынан биік тұрған əлдекімдердіғ бұйрығы. Концерт келсе де сол. Мұғалім қазір қоғамның ең бір төменгі өкілі іспетті.

Leave a Reply

Your email address will not be published.

Орташа айырбас бағамы
22.11.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар