Алматы облысында такси жүргізушісі жас әйелді өлтірді деген күдікке ілінді
Жеке көлігімен такси жүргізушісі болып істейтін Алматы тұрғыны жас келіншекті өлтірді деген күдікпен ұсталды. Бұл туралы облыстық ішкі істер департаментінің баспасөз қызметі хабарлайды.
Сурет newskaz.ru
26 мамыр күні Қарасай ауданынан қарасты Кемертоған ауылына жақын жерден тұрғындар бірнеше пышақ жарақаты салынған әйелдің денесін тапты. Екі күннен соң тәртіп сақшылары оның көрші Жамбыл ауданының 27 жастағы тұрғыны екенін анықтады.
“Жедел шаралардың арқасында әйелдің соңғы рет “Мерседес бенс” көлігіне отырғаны белгілі болды. Көліктің иесі де анықталды. Алматыда такси жүргізушісі болып істейтін ер адам қылмыс туралы айтып берді”, – делінген хабарламада.
Такси жүргізушісінің қала сыртындағы аудандарда адам таситыны белгілі болды. Зардап шегуші оның танысы екен. Жолаушы ретінде көлікке отырған әйел мен жүргізушінің арасында жол бойында ұрыс шығып, ақыры соңы қанды қылмыспен тынады.
Талқылау