Алматы облысында перзентхана қызметкерлері 22 сәбиді ақшаға сатып жіберген

Сенбі, 26 Желтоқсан , 2015 0:08

Адам саудасымен айналысып, ақша тапқан Алматы облыстық көпсалалы аурухананың бұрынғы қызметкерлері 15 жылға дейін сотталуы мүмкін.

new_born_2_by_far_from_krypton-d3497h1

Бұл туралы ктк арнасы хабарлады.

Мұндағы меңгерушіден бастап, перзентхана мейірбикелеріне дейін, бас-аяғы 10 адам ұзақ жылдар бойы жаңа туған нәрестелерді сатумен айналысқан. Тірі тауарды алты мың долларға дейін бағалапты. Тергеу кезінде олардың 22 нәрестені саудаға салғаны анықталып отыр. Енді сол қылмыстық топтың құрамында болған 10 адам мен баланың  заңсыз екенін біле тұра сатып алған ата-аналар да жақында сот алдында жауап бермек.

Сегіз жылдан бері сәбилерді саудаға салып, қыруар қаржы тапқан қылмыстық топтың іс-әрекеті жақын арада сотқа жолданады. Қырық томды құрайтын тергеу құжаттарына сай перзентхана қызметкерлері тірі тауарларды 150 мың теңге мен алты мың доллар аралығында бағалаған екен. Сөйтіп 22 нәрестені саудаға салған. Енді сотта мемлекеттік айыптаушылар қылмысты дәлелдей алса, перзентхана меңгерушісінен бастап, мейірбикеге дейін 10 қызметкер ұзақ жыл бостандық көрмейді. Тіпті бөтен біреудің баласын заңсыз сатып алған ата-аналар да жазадан оңай құтылмайтын болды.

«Қазіргі таңда қылмыстық іс прокуратураға тапсырылып, жуырда сотқа жөнелтілетін болады шешім шығару үшін. 135 баптың нормаларына сәйкес 15 жылға дейін бас бостандығынан айыру жазасы көзделіп отыр. Яғни, сатқан және сатып алған адамдарға. Өйткені олар қасақана біле тұра заңның бұзылғанын біле тұра бұған төтеп бермей сондай керісінше  жағдай жасады», – деді Алматы қалалық ІІД ресми өкілі Салтанат Әзірбек.

Құзырлы орындардың құрығына іліккен перзентхана қызметкерлері түгелдей жұмыстан қуылды. Бірақ қамауға алынбаған. Барлығы да қолхатпен бостандықта жүр. Осы жағдайдан кейін Алматы облыстық көпсалалы аурухананың басшысы да жылы орнымен қоштасты. Ал жаңа келген бас дәрігер перзентхана жұмысын жіті бақылауға алыпты. Тіпті күнделікті қадағалауды жеке өзі жүрізіп отырады екен.

«Күнделікті қанша түседі, қанша бала туылады, қанша ана босанады оның бәрі қадағалауда. Ол мәселе үлкен бақылауда. Қазіргі таңда ондай жағдайға жол бермеудің барлық амалын істеп қойғанбыз. Байқасаңыздар бөлімшелерге камералар қойылып, басқа да саймандар орнатып қойғанбыз», – дейді Алматы облыстық көпсалалы аурухананың бас дәрігері Жұмахан Молдақұлов.

Ал адам сатып ақша тапқандардың әрекеті осы көктемде әшкере болған еді. Перзентхана қызметкерлері некесіз босанған жас аналарды алдап, өз баласынан бас тартуға итермелеген. Бірақ сәбиінің саудаға түсетінін босанған келіншектердің ешқайсысы білмепті. Сондықтан олар бұл істе тек куәгер ретінде сұралады. Жалпы күдіктілердің саны 35 адамға жуықтайды.

Туа салып тағдыр тәлкегіне түскен нәрестелер қазір сатып алған ата-аналарының үйінде тұрып жатыр. Алайда олардың болашағын енді сот орындары шешетін болады. Яғни саудаға салынған 22 сәби алдағы уақытта балалар үйіне тапсырылуы мүмкін.

 

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Пікір қалдыру


wpDiscuz
Орташа айырбас бағамы
17.01.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар