Алматы облысында мас әйел полицейді тістеп алды
Тәртіп сақшысын тістеп алған 30 жастағы Талғар ауданының әйел тұрғынына қарсы қылмыстық іс қозғалды. Бұл туралы Алматы облыстың ішкі істер департаментінің баспасөз қызметі хабарлайды.
Сурет xakac.info
Оқиға 28-інен 29-на қараған түні Талғар ауданындағы Тұздыбастау ауылында болған. Қатты мас күйде болған әйелді полиция тәртіпке шақырып, тынышталдырмақшы болған.
“Қоғамдық орында әйел мас күйінде ерсі қылықтар жасағандықтан, учаскелік полиция оған қарсы тыныштандыру шарасын қабылдамақ болған. Ол әкімшілік хаттама толтырып жатқан сәтте әйел полицияның иығынан тістеп алған”, – делінген хабарламада.
Күдікті полиция бөлімшесіне апарған. Сараптама нәтижесі бойынша ұсталған әйел орта деңгейдегі мас күйде болған. Жараны емдеуге арналған профилактикалық шаралардан соң полицей қайтадан жұмысын жалғастырған. Ал билік өкіліне қарсы әрекет жасаған әйелдің ісіне орай қылмыстық іс қозғалатын болды.
Талқылау