Алматы облыстық әділет департаментінің қызметкерлері басшысының былығын әшкереледі

Алматы облыстық Әділет департаментінің ұжымы басшысының үстінен министірлікке хат жазған. Мұнда Мейрамбек Қаныбековтің озбырлығы суреттелген. Яғни, оның адамға зекіп сөйлеу, балағаттау сынды былықтары ашық айтылған, деп хабарлайды КТК.

Дәл осы арыздан соң 40-қа жуық қызметкер қудалауға ұшырадық деген еді. Бірақ осы жолы тек Қаратал аудандық  әділет басқармасының басшысы Алмаз Айнақұлов қана келді. Оның айтуынша, өзгелері Мейрамбек мырзадан қорқады.

“Қудалау бірінші рет болған жоқ. Мен қызметімнен кетуге де дайын болдым. Бірақ басшының бассыздығын әшкерелеп кеткім келді”, – дейді Қаратал аудандық әділет басқармасының басшысы Алмаз Айнақұлов.

Әу баста топ болып, қазір департамент басшысымен бірге-бір ғана қалған Айнақұловтың айутынша, оның қолында Мейрамбек Қаныбековты әшкерлейтін аудио жазба бар.

“Сен ақымақ неге аңдып жүрсің мені? Екіжүзді оңбаған!”, – делінеді жазбада.

Басшының осы мәнермен сөйлеуі мұндаға мамандарға да жұққан тәрізді. Өйткені мұнда жиі келетін тұрғындардың өзі ұжымнан шошып отыр.

“Мәдениет өте төмен.  Ешқандай бақылау жоқ. Кірген кезде менің аяқ қолым дірілдеп кетеді.  Кінәлі адам сияқты жүреміз”, – дейді  Талдықорған қаласының тұрғыны Дина Иманбекова.

Басы дауға қалған басшының мәселесін енді мемлекеттік қызмет істері департаментінің мамандары май-шаммен қарайды. Алайда әзірге оның кінәсі бар-жоғы белгісіз.

Ұлан Қалжанов, Алматы облыстық Мемлекеттік қызмет істері жөніндегі басқармасының басшысы:

Департаментке Әділет министірлігінен материал келіп түсті. Алматы облысы әділет департаментінің лауазымды тұлғаларына қатысты. Қазіргі кезде тәртіптік іс қозғалып, қызметтік тергеп-тексеру жүргізілуде. Оның нәтижесі әдеп жөніндегі кеңестің отырысында қаралатын болады.

Ал Алматы облыстық әділет департаментінің басшысы Мейрамбек Қаныбековпен тілдесу мүмкін болмады. Ол даулы істің жай-жапсарын түсіндіріп беруідің орнына кабинетіне тығылып шықпай қойды.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Орташа айырбас бағамы
21.05.18
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар