Алматыда жол бойында көлік отқа оранды (фото)

Алматыда жеңіл көлік өртеніп, оқыс жағдай орын алды.

Бұл туралы ҚазАқпарат хабарлайды.

“Фольксваген Пассат” маркалы жеңіл көлік Мақатаев-Қонаев көшелерінің қиылысында кенеттен жалындай бастаған.

Оқиға орнына жеткен өрт сөндірушілер тілсіз жауды ауыздықтап үлгерді. Қызыл жалын көліктің моторлық бөлігін түгел зақымдады.

Төтенше жағдайдан ешкім жапа шеккен жоқ.