Алматы автобустарында 60 минут ішінде ауысып отыру тегін болады
2018 жылдан бастап Алматының қоғамдық көліктеріне ауысып отыру тегін болады, бұл туралы “Алматы қаласы көлік холдингі” ЖШС-ның директоры Садыр Хамраев мәлімдеді.
Бұл ретте ол бұл жоспарларды жүзеге асыру қалалық бюджеттің қаржыландыруымен байланысты екенін атап өтті.
“Қала ауысып отыру мүмкіндігін ұсынған кезде, қала бойынша түсім көлемі жалпы қысқарады, демек бұл қалалық бюджет тарапынан қосымша субсидияларды талап етуді білдіреді. Қала мұның бәрін есептеп болмайынша, дұрыс қаржы моделін құра алмайды. Қосымша тарифтерді бірден енгізуге болмайды. Сондықтан ол кезең кезеңімен енгізіледі”, — деп толықтырды ол.
Еске сала кетейік, Алматыда 1 тамыздан бастап жолаушылар тасымалына дифференцияланған тариф іске қосылатын болады, деді Алматы жолаушылар көлігі және автомобиль жолдары басқармасының жетекшісі Мақсұт Исахов.
Жол ақысын қолма қолсыз төлеген кезде, оның ішінде СМС арқылы да, құны бұрынғыша – 80 ттеңге болып қалады, ал қолма-қол ақшамен құны 150 теңгеге дейін өседі.
Тағы да оқыңыз:
Шымкентте сатушы жігіт елді алдап жүрген алаяқ әйелдің қулығын әшкере қылды (видео)
Қостанай облысында жол апатына тап болған жүкті әйел ішіндегі егіз сәбилерінен айырылды