Алматы ауасының ластануын Медеуге қойылған арнайы қондырғы өлшеп отыратын болады
Қазгидрометтің қондырғылары Алматы ауасының ластануын арнайы пайыздармен көрсетіп тұрады. Қондырғы Медеу мұз айдыны аймағына қойылыпты.
Бұл туралы Алматы қаласы табиғи ресурстар және табиғатты пайдалануды реттеу басқармасына қарасты, экологиялық реттеу бөлімінің басшысы Михаил Новоселов «Капитал» басылымына берген сұхбаты кезінде айтқан.
«Әрине қаланың ауасы ластанған. Бірақ, мен жағдайды тым асқынып кеткен деп айтпас едім»,-дейді Михаил Новоселов.Есте болса, қол телефондарындағы Almaty Urban Air арнайы ауа ластығы туралы мәлімет беретін бағдарлама PM 10 , ақпарат беруін тоқтатқан.
« Олар ақпарат таратып отырған PM 10 ауа ластығын өлшеу құрылғысын заңдастыру қажет. Олардың мағлұматын объективті деп қарауға болмайды. Олар арнайы тексеруден өтпеген, заң бойынша мақұлданбаған»,- дейді Новоселов.
Айтар болсақ, Алматы ауасының тазалығына жанашыр белсенділер Фэйсбук желісінде Almaty Urban Sos группасын ашқан еді. Бұл жерде қала экологиясына байланысты маңызды мәселелер талқыланады.
Читайте также:
Город не для людей: алматинцы постят в соцсетях фото смога