Алматыдағы әскери институтының курсанты оқ жарақатын алды

Алматыдағы құрлық әскерлері әскери институтында курсант сабақ кезінде оқ жарақатын алды, деп хабарлайды Stan.kz ақпарат агенттігі.

Бұл ақпаратты қорғаныс министрлігінің баспасөз қызметі түсіндірді. Оқиға сабақтың үстінде болған. 

“2021 жылғы 20 шілдеде Құрлық әскерлерінің Әскери институтында диверсияға қарсы қауіпсіздік сабақтары барысында курсанттардың бірі қаруды қолдану кезіндегі қауіпсіздік шараларын бұзу себебінен еріксіз автоматты түрде оқ атылды. Оқ басқа курсанттың аяғына тиген. Зардап шегуші жедел түрде Алматы қаласының әскери клиникалық госпиталіне жеткізілді. Онда оған қажетті медициналық көмек көрсетілуде. Курсанттың денсаулығына ешқандай қауіп жоқ”, – дейді баспасөз қызметі. 

Курсанттың ата-анасы болған жағдайдан хабардар. Қазіргі таңда аталған факт бойынша тергеу жұмыстары жүргізіліп жатыр.