Алматыда екі қабатты үй өртеніп, 20 отбасы сыртқа шығарылды

Алматыдағы екі қабатты үйден 63 адам, оның ішінде 30 бала сыртқа көшірілді, деп хабарлайды Stan.kz Алматы қаласының ТЖ қызметіне сілтеме жасап.

Хабарда айтылғандай, өрт сөндірушілер келген уақытта ғимараттың төбесі өртеніп жатты.

Өрт бір-біріне өте жақын орналасқан көрші үйлерге жалғасу мүмкін еді. 

Ғимараттардан 20 отбасы, соның ішінде 30 бала және 33 ересек адам көшірілді. Өртке үйдегі 6 газ баллонының бірінің жарылғаны себеп болды. 

Өрт алаңы 270 шаршы метрді құрайды. Ешкім зардап шеккен жоқ.