Алмас Кішкенбаев даяшы болып жұмыс істеді (фото)

Алмас Кішкенбаев сахнамен қош айтысты. Уақытша ғана. Ол Астанадағы мейрамханалардың бірінде даяшының рөлін сомдады.

Сурет Әлімжан Баранғұлов

Бұл туралы Экспресс К басылымы хабарлайды.

Эстрада жұлдызымен бірге шараға “Астана Опера” труппасының мүшесі Досжан Табылды, шоумен Нұржан Бейсенов, визажист Нұрлан Әлімходжаев, сондай-ақ танымал блогерлер мен журналистер де қатысты. Төрт сағат бойы жұлдыз даяшылар клиенттерден 170 мың теңге ақша алды. Бұл тапқан ақшаны балалар үйіне жұмсамақ.

“Қайырымдылық жасау қиын іс емес. Ал балаларға көмектесу – бұл нағыз игі нәрсе”, – дейді Алмас Кішкенбаев.

Ал алғашқы клиентіне қызмет жасаған визажист Нұрлан төрт мың теңге алды.

“Бастамасы жаман емес. Клиенттерімнің барлығы осындай мейірімді болады деп үміттенемін”, – дейді Нұрлан.

“Даяшы болу оңай емес. Клиент өте көп: анда-мында, біресе барға, біресе үстелге жүгіресің. Бұл шынында үлкен еңбек. Бірақ, біз мақсатқа жету үшін аянбадық”, – дейді Досжан Табылды.

Гүлмира Матхаликова