Алла Пугачева бояусыз жүзін көрсетіп, жұртты шулатты
Алла Пугачева өзінің жасы мен қартайып баражатқан жүзін жасыруға тырысқан да емес. Ол қайта бояусыз жүзін жақыннан түсіріп, сымбатын анық көрсететін ашық киімдер кигенді ұнатады.
Әнші 67 жасында еш бояусыз әрі әжімдері көрінген жүзінің суретін Инстаграм парақшасына жүктеді. Аз ғана уақыттың ішінде оның тыңдармандары әншінің суретіне қатысты түрлі ойларын жазды. Тіпті олардың арасында Пугачеваны кемсіткендері де болды.
Дегенмен әншінің жасын жасырмай түскен суретіне жағымсыз пікір қалдырғандарға қарағанда, оның ашықтығы мен шыншылдығына риза болғандар қатары көп болды.
«Осындай ашық әрі еш бояусыз суретініңізді жүктегеніңізге рахмет. Тура бір жақын адамдардай сезініп қалады екенсің өзіңді», «Мен осы суретіңізге қарап қызыңыз Кристинаның сізге қатты ұқсайтынын түсіндім. Бояумен сахнада шыққаныңызда мұны байқау қиын», «Жүзіңіз жарқын, әдемі. Бақытты болыңыз», «Алтын Алла өте батыл жансыз. Мен өзім мұндай суретімді желіге жүктей алмас едім. Өте талантты жансыз» деген сынды пікірлер көп жазылған.