Актрисалар, әншілер, тіпті, модельдер бояусыз, табиғи түрлеріне разы екендерін және макияжсыз-ақ журнал мұқабаларына шығуға дайын екендерін мәлімдеп жүр. Бұл тақырыпқа, тіпті, әлемдегі ең танымал басылымдардың бірі Washington Post-тың өзі қалам тербеген еді.

Бұл туралы Лента.ру жазған.

Жуырда американдық NBC телеарнасында The Voice жобасының жаңа маусымы басталды. Жобадағы төрешілердің бірі, жас таланттардың ұстазы, әнші Алиша Киз эфирге боянбаған күйде шықты. Бұған дейін ол макияжсыз түрімен Vogue журналына суретке түсіп, BET Awards қызыл кілемінің үстінен жүріп өткен.

«Бұдан былай ештеңе жасырғым келмейді. Бет-жүзімді, ақылымды, жанымды, ойымды, армандарымды, тап болған қиыншылықтарымды, ештеңені жасырмаймын», — деп мәлімдеді американдық әртіс.

35-жастағы Киз жасы ұлғайған сайын опа-далаптың артық нәрсе екендігін түсінгенін айтқан.

Grammy музыкалық сыйлығының 15 дүркін иегері жазған мына бір өлең жолдарына зер салыңыз: «Мүмкін, мына Maybelline менің өзіме деген сенімділігімді жасырып жүрген шығар?»

Фото опубликовано therealswizzz (@therealswizzz) Май 27 2016 в 2:44 PDT

Алишаның жарияланымдары көптеген қыздарды жігерлендірді. Соның арқасында #nomakeup хэштегі танымал бола түсті. Бүгінде Instagram-да осы хэштегпен жарияланған 12 миллионға жуық сурет бар.

Алайда Киз бояусыз елдің алдына шыққан жалғыз жұлдыз емес.

Фото опубликовано Gwyneth Paltrow (@gwynethpaltrow) Апр 23 2016 в 11:53 PDT

Гвинет Пэлтроу

Фото опубликовано Jennifer Lopez (@jlo) Фев 22 2016 в 11:16 PST

Дженнифер Лопес

Тонналап макияж жағуды ұнататын танымал әртістердің өздері бүгінде халықтың алдына табиғат жаратқан келбеттерімен шығудан ұялмайды. Оқырмандарын бояусыз түрімен қуантып жүрген жұлдыздардың бірі – апалы-сіңлілі Кардашьяндар.

Балғын тері және адамның келбетіндегі кемшіліктерді көрсетуді журнал редакторлары да құптайтын болып шықты. Мәселен, мына бір журналдың мұқабасына Алиша Киз бояусыз шыққан.

Фото опубликовано Alicia Keys (@aliciakeys) Авг 12 2016 в 10:27 PDT

Сұлулық жайында жазатын Allure басылымының мұқабасында «Кардашьяндар отбасы» телешоуының жұлдызы Кайли Дженнердің суреті шыққан.

Фото опубликовано King Kylie (@kyliejenner) Июл 13 2016 в 3:11 PDT

Мила Кунис болса Glamour журналының мұқабасына макияжсыз суретке түсіп қана қоймай, басылымға сұхбат беріп, өз сөзінде ешқашан опа-далапты ұнатпағанын, күнделікті өмірде мүлдем бояу қолданбайтынын айтқан.

so wearing no makeup makeup… gorgeous btw #MilaKunis right @lourdes_g ? pic.twitter.com/7c8GwxohTX

— Maria de los Angeles (@vicequeenmaria) July 19, 2016

«Бояну үшін ұйқыдан 30-40 минут бұрын оянатын әйелдерге деген көзқарасым оңды. Әдемі болса әдемі шығар. Бірақ мен ондай адамдардың қатарынан емеспін», — деді Эштон Кутчердің келіншегі.

Сөз соңын The Washington Post басылымының берген кеңесімен аяқтағымыз келеді: макияждан бас тарту табиғилық пен өзіңізге деген сенімділікті арттырудан бөлек, сіздің айлық жалақыңызға әсер етуі мүмкін. Ирвайндағы Калифорния және Чикаго университеттерінің жүргізген әлеуметтік зерттеулері, кеңсеге әдемі боянып әрі шашын сәндеп келетін нәзік жандылардың «қарапайым» әріптестеріне қарағанда көбірек ақша табатынын көрсеткен.

Жіберіп алмаңыз:

Алла Пугачева бояусыз жүзін көрсетіп, жұртты шулатты

Баян Есентаеваның бояусыз түскен суреттерін көрген көпшілік оның тартымсыз көрінетінін айтып жатыр

Маржан Арапбаева әлеуметтік желіде бояусыз суретін жариялады және ол үшін еш ұялмайтынын айтты

Талқылау