Әлемдік фастфуд желісі қазы қосылған гамбургерлер әзірлейді
Әлемдік фасфуд желісі Наурыз мерекесіне орай қазы қосылған гамбургерлер әзірлейтін болды.
Бұл туралы Tengrinews.kz ақпараттық порталы хабарлады.
Әңгіме Қазақстандағы KFC жылдам тамақтандыру мейрамханасы туралы. Аталған мейрамханалар желісі мәзіріне “Сандерс”, “Классик”, “Твистер” сынды ұлттық өнімдері бар жаңа гамбургер түрлерін қосқан.
“Caspian International Restaurants Company” компаниясының өкілі Айжан Шорманның айтуынша, мұндай гамбургерлерді наурыз мерекесіне орай жасап отыр. Гамбургердің ішіне салынатын қазы Алматы облысында әзірленеді. Мұнымен қатар, мұндай гамбургер түрлері шетелде сатылмайтын көрінеді.
“Бұл ерекше мүмкіндік KFC мейрамханалары бар Алматы, Астана, Қарағанды және Павлодар қаласының тұрғындарына тиесілі. Әзірге ұлттық элементтері бар тағамдарды көбейту туралы ой жоқ, барлығы сұранысқа байланысты. Егер бұл өнім қонақтарымызға ұнаса, біз қазы қосылған тағамдарды қуана жасайтын боламыз. Мәзірді жаңартпас бұрын компания іште тестілеу мен сансыз тексеру жүргізіп, келетін қонақтарға қаншалықты ұнайтынын алдын ала болжауға тырысады”, – дейді “Caspian International Restaurants Company” компаниясының өкілі Айжан Шорман.
Естеріңізде болса осы уақытқа дейін Ангела Меркельдің фастфуд жеп тұрған жерінен көзге түскені туралы жазған болатынбыз.