Әлемдегі қазақ жастары арасында футболдан турнир өткізілмек
Алматыда белгілі ғалым, профессор Тұрсынбек Кәкішевтің 90 жылдығына орай әлемдегі қазақ жастары арасында футбол сайысы өткізіледі, деп хабарлайды ҚазАқпарат.
«Ер Жәнібек» халықаралық қоғамдық қоры ұйымдастырып отырған «ER JANIBEK CUP» халықаралық турнирі Әл-Фараби атындағы ҚазҰУ-дың спорт кешенінде өтеді.
Турнирге арқау болып отырған ғалым Тұрсынбек Кәкішев өмір бойы қазақ әдебиеті мен Алаш арыстарын зерттеуге ғұмырын арнаған жан. Турнирдің негізгі мақсаты – әлемнің әр түкпіріндегі қазақ жастарының басын жасыл алаңда қосып, олардың Қазақстанға деген махаббатын арттыра түсу.
Жүлде қоры 2 млн теңге болатын турнирге Франция, Германия, Түркия, Иран, Ресей, Моңғолия, Қытай және Өзбекстанда тұратын қандастарымыз және еліміздің әр облысынан қазақ жастары қатысады.
Оқи отырыңыз:
Василий Левит пен Бахтияр Артаев мемлекеттік қызметші болмақ
Сабина Алтынбекованың анасы мүгедек жандарға S20 бренд футболкаларын сыйлады (фото)
Месси пианинода ойнап жанкүйерлерін таңғалдырды (видео)
Футболшының интимді шаш үлгісі желіде күлкіге айналды (фото)