Соңғы жаңалықтар
Соңғы жаңалықтар

Әлемде алғашқы ұшатын автомобиль жасалды (видео)

Американың Terrafugia компаниясы әлемде бірінші болып ұшатын автомобильді жасап шығарды. Автомобильді аспанға алып шығатын TF-X қондырғысы өзінің алғашқы аэродинамикалық сынағын бастап кетті.

564

Сурет youtube.com

Өндіріс орны жаңа машинаның 2018 жылы жаппай шығарыла бастайтынына сенімді болып отыр. Компания өкілі хабарлағандай, ұшушы автомобиль Массачусетс технологиялық институты мамандарының қатысуымен жасалған. Қазіргі күндері TF-X қондырғысының бірінші прототипі тап осы оқу орнындағы аэродинамикалық тұрбада тексеруден өтуде. Машина жасаушылардың айтуларынша, ұшушы жабдықтың 300 аттың күшіне тең екі жылжымалы қанаты бар. Солардың көмегімен TF-X сағатына 322 шақырымдық жылдамдықпен ұша алады. Ұшу кезінде машинаны автопилот басқарады.

Мұндай қозғалыс құралының егесіне компьютерге баратын жерді айтып берсе, жетіп жатыр. Содан соң жолаушыны қонатын нүктеге барынша қысқа жолмен оның өзі алып барады. «Болашақтың автомобилін» ойлап табушылар өздерінің басты мақсаты жолаушы мен жүкті «есіктен – есікке» алып баратын, кәдімгі машина тәрізді гаражға сыйып кете беретін көлік жасау болып табылатынын атап өтті. Бірақ олар өздері шығарған инновацияға автомобиль ретінде қарап отырған жоқ.

Талқылау