Алдағы үш күнде еліміздің кей аймақтарында қар жауады
Осы аптаның 1-3 желтоқсан күндері еліміздің кей аймақтарында қар жауады, деп хабарлайды «Қазгидромет» РМК.
«Алдағы үш күнде республиканың солтүстігі мен шығысында бұрқасынды қар жауып, күшті жел соғады. Еліміздің батысы мен орталығына қар жауады», – дейді синоптиктер.
Мамандардың болжамынша, аталған өңірлерді күндізгі температура минус 3 — плюс 3ºС болып, көктайғақ болуы мүмкін. Қазақстанның оңтүстігінде 2 желтоқсанда күндіз, 3 желтоқсанда оңтүстік-шығысында температура плюс 2…плюс 10ºС дейін көтеріліп, жауын-шашын түседі, жаңбыр жауып, соңы сулы қарға ұласады. Сондай-ақ, екпінді оңтүстік-батыс желі де күтілуде. Сондықтан да синоптиктер жолдарда, әсіресе қала сыртында өте абай болуды ескертеді.
Талқылау