Алдағы күндері бірнеше облыста жаңбыр жауып, найзағай ойнайды

2017жылғы 23-25 мамырға арналған ауа-райы болжамы.

Оралдың үстінде орналасқан циклонмен, полярлық және арктикалық фронттар жүйесі  байланысты, олар Қазақстан аумағы арқылы жылжитын болады. Осы фронттардың әсерінен көптеген облыстардың кей жерлерінде  жаңбыр, найзағай, күшті екпінді жел мен бұршақ күтілуде. Осыдан басқа, температураның төмендеуі күтіледі.

24-25 мамырда ауа температурасы нормаға жуық және одан төмен болады деп болжанды. Тек еліміздің оңтүстігінде және оңтүстік-шығысында ауа температурасы климаттық нормадан жоғары болады, бірақ мұнда да өткінші жаңбыр жауып, найзағай жарқылдайды.