Ақтөбедегі мәйітхана қызметкерлері өмірлерін “тозаққа айналдырған” басшыларынан құтыла алмай жүр

Жұма, 14 Сәуір , 2017 21:44

Ақтөбедегі мәйітхана қызметкерлері мазаларын қашырған жаңа бастықтарынан құтылғысы келеді. Айуларынша, Дәурен Аймақов сот-медициналық сараптама орталығына директор болып тағайындалған үш аптаның ішінде өмірлерін тозаққа айналдырған. Сөйтіп, қазбалап жүріп жаңа басшының бұрын сотталғанын да анықтапты. Бірақ, директордың өзі өткен өмірі туралы мүлдем айтқысы жоқ, – деп хабарлайды КТК арнасы.

0дп

Өлілерден тіксінбеген мәйітхана қызметкерлерінің жаңа бастықты көргенде төбе шаштары тік тұрады. Алғашқы үш аптаның ішінде Дәурен Аймақов небір сорақылық жасады дейді олар. Мәселен, жұмыста аяқтарының ұшымен жүріп, тіпті дәретханаға бастықтың сұрауынсыз бармайтын көрінеді. Тіпті, жиналыста қуығы қысқан маманға, жұрт көзінше сөгіс жариялап үлгерген.

“Жиналыс  болып жатқанда 5 минутқа дәретханаға шығып кеткен. Келіп еді, ұжымның көзінше қатаң сөгіс берді. Бәріміздің көзімізше, боқтады оны”, – дейді жалпы сараптама бөлімінің меңгерушісі Қайрат Байбосынов.

Мұндай қорлыққа шыдамаған мамандар түрлі құзырлы органдарға арызданыпты. Ақыры директордың адамға қысым көрсетуге бұрыннан бейімі барын білген. Өйткені, ішкі істер саласында жүргенде қызметін асыра пайдаланып, қысым көрсеткені үшін екі жылға сотталған көрінеді. Істі болған адамның мемлекеттік маңызы бар, тергеуге тікелей қатысты сот-медициналық орталығына қалай қызметке алынғанына таң қалып отыр.

“Өткен өмірі күмәнді адам болып тұр. Бұрын сотталғанда тағылған айыптары да ауыр. Директор болуға сотталмаған адам табылмады ма? Ертең сарапшыларға қысым көрсетіп, дегенін істетіп жатса не болады?” – дейді сот-медициналық сарапшы Владимир Корнев.

Дәурен Аймақов болса өзінің бұған дейін бір жарым жыл бойы Солтүстік Қазақстан облысында осындай қызметте болғанын айтады. Ол жақта ешқандай шағым болмапты. Ал Ақтөбеге келгенде сыры мәлім боп қалғанына ашулы. Сондықтан өткен өмірі жайлы айтқысы жоқ.

Дәурен Аймақов, «Сот-медициналық орталығы» ММ Ақтөбе филиалының директоры:

– Мен жауап бергім келіп отырған жоқ. Ол менің жеке персоналдық ақпаратым.

– Сотталғансыз ба сонда?

– Менің жеке пікірім. Сізге ол туралы жауап бергім келіп отырған жоқ.

Ал қол астындағылардың мазасын алғанын, Аймақов өзінің тым талапшылдығымен түсіндіреді. Сот-медициналық орталығының мамандары жаңа тағайындауға қатысты Әділет министрлігінен қайта тексеру жүргізуді талап етіп отыр. Сондай-ақ, Дәурен Аймақовтың қандай жағдайда істі болғанын ашық жариялауды сұрайды. Қазір мәйітхана мамандарының өтініші бойынша олардың құқықтарын қорғауға медицина қызметкерлерінің кәсіподағы да кіріскен.


Жіберіп алмаңыз:

Қарағандыда тісін емдетуге барған оқушы қыз ажал құшты

Ақтауда 5 жасар қыз төртінші қабаттан құлап кетті

Павлодар облысында 4 жасар бала әкесінің көз алдында өртеніп кетті

Семейде терезе жумақ болған әжей 5-қабаттан құлап көз жұмды

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter

Источник: Stan.kz

0
Комментариев

Leave a Reply

Your email address will not be published.

Орташа айырбас бағамы
12.12.17
Сатып алу
Сату үшін
USD
327
329.5
EUR
370
374
RUB
5.05
5.12
Міндетті түрде оқыңыз
Соңғы жаңалықтар