-Кеше кезекті жұмысымда жүр едім. Таңғы сағат бестерде маған үйің өртеніп жатыр деген хабар келді. Сосын машинамен жетіп келсем үй жанып болған. Ортасына түсіп жатыр, – дейді зейнеткер Тоқтар Ермағанбетов.

Айтуынша, зейнеткер жасына жетсе де бос отырған кезі жоқ. Күзетші болып істейді екен. Ал енді бір зейнеткер қорадағы малын сатып,  облыс орталығына үш жыл бұрын көшіп келген. Енді сол баспанамен қоса құжаттары да жанып кеткен.

-Ол кісі өмірлік қиын жағдай туындауына байланысты қала әкімиятына арыз беруі қажет. Осы комиссия арыз бергеннен кейін арызын ұсынамыз. Сол уақытта тиісті көмектерін алуға болады, – дейді Ақтөбе қалалық жұмыспен қамту және әлеуметтік бағдарламалар бөлімі басшысының орынбасары Мейіржан Қарақов.

Енді зейнеткерлерге тегін баспана берілмейді екен. Дегенмен, зейнеткерлер шенеуніктер қаржылай көмек беру үшін комиссияның қарауына ұсынбақшы.