Соңғы жаңалықтар
Соңғы жаңалықтар

Нәрестені әжетханадан тауып алған ақтөбелік оны асырап алуға ниетті (видео)

Әжетханада жатқан сәбиді Молдағали Орынбасаров есімді тұрғын тауып алған. Жедел жәрдем мен полиция келемін дегенше ол өзі қызды шығарып алған.

5EMu7kBVZCSq

Бұл туралы diapazon.kz хабарлайды.

Нәрестені 41 разъездің тұрғыны әжетханадан түнгі сағат 12-лер шамасында тауып алған. Кіндігі де кесілмеген қызды қалташаға орап тастап кетіпті.

“Мен үйге келіп қолыма жарықты алып қарадым. Бір жақтан дыбыс шығады, не екені түсініксіз болды. Бір сәтте шұңқырда қалташаның жатқанын, оның қозғалатынын байқадым”, – дейді Молдағали Орынбасаров.

Ойда-жоқта әжетханадан сәбиді тауып алған Молдағали, көршілерін жинап полиция шақырады.

“Нәрестенің тіпті кіндігі де кесілмепті. Жаялыққа да оралмаған. Біздің тұрғындардың ішінде мұндай қадамға баратындар жоқ. Кім екені белгісіз”, – дейді көршісі Нұржан. Әжетхананың қасындағы қанға қарағанда, әйел тура сол жерде босанған болуы мүмкін. Енді 6 баласы бар Молдағали бұл қызды да өзі асырап алғысы келіп отыр. Сәби перинаталдық орталыққа орналастарылып, жағдайын дәрігерлер бақылауға алған.

“Сәбидің денсаулығы бірқалыпты,” – дейді бас дәрігердің орынбасары Дастан Неталиев. Қазіргі таңда полиция сәбидің анасын іздестіріп жатыр.

Талқылау