Ақтөбеде ер адам өзгемен көңіл қосқан әйелін тұншықтырып өлтірді

Ақтөбе облысында ер адам өзінің жаңа сүйіктісінің атын атаудан бас тартқан әйелін тұншықтырып өлтірген.

Бұл туралы time.kz хабарлайды.

Қарғалы ауданында дәрігер болып істейтін әйел өзінің күйеуіне өзге ер адамды сүйіп қалғанын, ендігі өмірін сонымен жалғастыратынын айтады. Қайғылы оқиға да осы күні орын алған. Әйелінің бұл қылығына ашуланған күйеуі әлгі ер адамның есімі кім деп сұрақтың астына алады. Алайда әйелі оның атын атаудан бас тартқан.

Ақыры ашуға булыққан күйеуі оны шарфпен қылғындырады. Есінен танып еденге құлап түскен әйел, көз жұмған. Кейін жүргізілген сараптама нәтижесінде әйелдің тұншықтыру нәтижесінде қайтыс болғанын анықтаған.

Қазіргі таңда күдікті уақытша тергеу изоляторында отыр. Оған қарсы қылмыстық іс қозғалды.