Бұл туралы Ақтөбе облыстық сотының баспасөз қызметінен хабарланды. Сотта анықталғандай, Т.Б.Мәжитов телекоммуникациялар желілерін пайдалана отырып, терроризмді насихаттау немесе терроризм актісін жасауға жария түрде шақыру мақсатында, 2015 жылғы тамыз айында «ВКонтакте» әлеуметтік желісінде «Абухолид Абдумаджид» атымен өзіне жеке парақша ашқан. Осыдан кейін ол таныстарына қаржылық көмек жасау туралы мәтіндер таратқан. Одан әрі, Мәжитов 2015 жылдың 7-10 желтоқсан аралығында терроризмді насихаттау мақсатында достарына «Уақыт келді ахи», «Ассалам уалейкум ахи біздің уақыт келді Ин ша Аллах», «Қанша жүре береміз ахи» деген мазмұндағы үндеу туралы хат жазып, өзін-өзі жарып «шахид» жасау туралы бейнероликтер жіберген. Бұдан соң, Т.Б.Мәжитов Шалқар ауданының тұрғындары Е.А.Аманғожин мен М.С.Тұрғанбаевпен телекоммуникациялық желілерін пайдалана отырып, лаңкестікті насихаттаған, сондай-ақ терроризм актісін жасауды жария түрде «Whats app» әлеуметтік желісі арқылы таратқан көрінеді. Сот шешімімен Мәжитов кінәлі деп танылып, мүлкін тәркілеп, сегіз жыл мерзімге бас бостандығынан айыру жазасы белгіленді. Жазаны өтеу жері ретінде түзеу колониясының жалпы режимі айқындалды. Осындай жаза Аманғожинге де тағайындалды. Ал Тұрғанбаев мүлкін тәркілеумен 6 жыл 6 айға сотталды. Жіберіп алмаңыз: Көлік алдына секіріп мінген полицейге күш көрсеткен екі ақтөбелік сотталды Тәжікстанда 6-сыныпта сақал жіберген оқушы сотталды Ақтөбе тұрғынын лаңкестерді жасырғаны үшін қамауға алды

Талқылау