Ақтөбеде әлеуметтік желі арқылы жиһадқа шақырған жігіт сотталды
Ақтөбеде әлеуметтік желі арқылы жиһадқа шақырған жігітке қатысты сот үкімі шықты.
Фото: info-islam.ru
Бұл туралы “Диапазон” хабарлайды.
Студент өзінің ВКонтакте желісіндегі парақшасында терроризмді насихаттайтын аудиожазбалар орналастырған. Мемлекеттік айыптаушы колледж студентін 8 жылға соттауды ұсынған.
Прокурорлар 19 жастағы Мәулід Еменовтың аталмыш насихаттауларды біле тұра жасағанына сенімді. Ол сол арқылы қарулы жиһад жасағысы келген болуы мүмкін. Еменовтың парақшасындағы діни жазбалар қолжетімді болғандықтан, оны кез-келген пайдаланушы тыңдай алатын болған.
“Мен ештеңе орналастырмадым, таратқан жоқпын. Мен ешкімді де соғысқа шақырмадым, оқиғаның осылай болып кетерін ойламадым. Анамнан, ағамнан, барлығынан кешірім сұраймын”, – деді студент соттағы соңғы сөзін айтып,
Сот шешімі бойынша Мәулід Еменов кінәлі деп танылып, бес жылға бас бостандығынан айырылды.
Оқи отырыңыз:
Қостанай облысында 8 баланы асырап алған отбасыға жаңа баспана берілді
13 жасқа толған ақын бала Жамбыл қалыңдық айттырып сырға салды
Күйші: Домбырамды су жаңа «Тойота Камри 40» көлігіне айырбастамай қойдым