Ақтөбенің орталығындағы Щевченко көшесінің жолы 20 жылдан бері жөндеу көрмеген. Тұрғындар ала жаздай бітелмеген шұрық-тесік асфальтты бір түнде жаңартады деп мүлдем ойламапты. Ең қызығы жұмысшылардың түн жарымында тығылғандай болып келіп, қар үстіне тас төсегендеріне таң қалып отыр.

5858

“Қар жауып тұрғанда асфальт төсеп жатқандары қызық. Ақыры не болатынын енді көктемде көреміз. Ми батпаққа айналатын шығар. Қаншама жаңа технологияны пайдаланса да күмәнданып отырмыз”, – деді Ақтөбе қаласының тұрғыны Мұса Байрамов.

Әлеуметтік желі арқылы жұрт қыста жол төсегендерді әжуалап жатыр. Сол маңда тұратындар да жұмысшылардың түнделетіп келіп тас төсеген еңбектерінің еш кететініне сенімді. Өйткені, былтыр дәл осы уақыта көрші көшені жаңартқан екен. Бірақ көктемде асфальт қар суы ағып кеткен.

“Үкіметіміздің ақшасы далаға кетіп жатыр. Оны қарап жатқан ешкім жоқ. Дендері сау емес”, – дейді Ақтөбе қаласының тұрғыны Қасымхан Айтжанов.

Бірақ шенеуніктер қыста салынған жолдың сапасына шаң жуытпай отыр. Асфальт төсерде суық пен ылғалға шыдамды битум пайдаландық деп ақталады.

“Бұл битумның қоспасы. Асфальт жамылғысы яғни асфальт жамылғысының 30-40 градус көлемінде де салуға болатын присадка болып табылады”, – дейді Ақтөбе қалалық комуналдық шаруашылық және автокөлік жолдары бөлімі басшысының орынбасары Руслан Төреғали.

Бұл көшенің жолын жөндеуге қазынадан 30 миллион теңге бөлінген. Шенеуніктер осы ақшаның желге ұшпайтынын айтып сендіруде. Өйткені, үш жыл ішінде жаңа асфальт жарамсыз болып жатса оны мердігер өз қаражатына қайта жөндеуге тиіс.

Оқи отырыңыз:

Ақтауда қуаттандырғышта тұрған ұялы телефонның кесірінен 7 айлық сәби көз жұмды

Жастайынан жетім қалып жақындарынан қорлық көрген қыз адам сенбес күйде тұрып жатыр

Мемлекеттік қызметкерге жұма намазына баруға рұқсат бар ма

Жас жұбайлар думандатып той жасаудың орнына 30 балаға қыстық киім алып берді

Талқылау