Ақтауда тұрғынның дүкен кассасынан ақша жымқырғаны камераға түсіп қалды (видео)

Ақтауда азық-түлік дүкеніндегі кассалық аппараттан ірі көлемдегі ақшаны тапа-тал түсте ұрлап кеткен тұрғын іздестіріліп жатыр. Қылмыс дүкендегі бейнебақылау камерасының нысанасына ілінген. Бұл туралы Маңғыстау облыстық ІІД баспасөз қызметі хабарлайды.

“Азиялық бет пішіндегі ер адам сатушының назарын басқа жаққа бұрғанын пайдаланып, кассадан 30 мың теңгені ұрлап кетті”, – деп пікір білдірді облыстық ІІД баспасөз қызметінің өкілі Шолпан Юлдашева.

Полицейлердің айтуынша, қылмыс №7 ықшам аудандағы №11 үйдің жанындағы “Мәдина” дүкенінде 2015 жылдың 17 желтоқсанында болған. Тәртіп сақшылары бейнежазбаның арқасында ұры да табылады деп үміттенеді.

Қазіргі таңда осы дерек негізінде ҚР ҚК 188 бабы 1 тармағы бойынша қылмыстық іс қозғалды.