Ақтауда 21 жастағы сарбаздың өліміне себепкер болған офицерлерге қатысты сот үкімі шықты

Ақтаудағы әскери сотта 21 жастағы жауынгер Бақытбек Мырзамбековтың өліміне қатысты үкім шықты. Бұл туралы КТК арнасына сілтеме жасап, Stan.kz ақпараттық агенттігі хабарлайды.

Сарбаздарға әлімжеттік көрсеткен 5 бірдей шенді жазасын түрмеде өтейтін болады. Олар марқұмға шілденің отыз градус ыстығында ауыр жаттығулар жасатып, есінен танғанша зорықтырған.

Ең алдымен үкім «Үстірт» әскери бөлімінің басшысы Бағлан Мұсабаевқа қатысты оқылды. Ол қызметіне салғырт қарап, қарамағындағылардың не істеп жүргенін жөнді бақыламағаны үшін 4 жылға бас бостандығынан айрылды. Ал оның орынбасары Нұрбол Садабаев пен офицер-психолог Нұрлан Ыдырышов 5 жыл өмірін түрмеде өткізеді.

Бағлан Мұсабаев пен Нұрбол Садабаев шілденің оны күні сарбаздарды аптап ыстықта зорыққанша жаттығу жасатқан. Онымен қоймай бастарына күн өткенін айтып жалынған жауынгерлерге құлақ аспапты. Ақыры сол жерде есінен танған 21 жастағы Бақытбек Мырзамбеков есін жимастан қайтыс болады.

Айыпталушылардың қатарындағы тағы екі әскери Жасұлан Әбікенов пен Нұрлан Әлмұханов та жазасыз қалмады. Тергеу кезінде бұл екеуінің сарбаздарға әлімжеттік жасап, күн көрсетпегені белгілі болды. Әсіресе Жасұлан Әбікенов жауынгерлерді ұйқысынан оятып алып, сабаған. Сондықтан 4 жылға бас бостандығынан айрылды.

Ал әріптесі сарбаздарды сабамаса да қасында жүрген. Ол енді жазасын шартты түрде өтейді. Бұдан бөлек сотталушылар қайтыс болған сарбаздың отбасына 8 жарым миллион теңге өтемақы төлеуі тиіс.

Источник: Stan.kz

Если вы нашли ошибку в тексте, выделите ее мышью и нажмите Ctrl+Enter © stan.kz

Источник: Stan.kz

Загрузка...
Орташа айырбас бағамы
17.01.19
Сатып алу
Сату үшін
USD
327
329.5
EUR
370
374
RUB
5.05
5.12
Соңғы жаңалықтар