АҚШ-та толықтай бір қала сатылымға шығарылды (фото)
Ореган штатында толыққанды бір қала сатылымға шығарылды. Ол Портлендтен 362 шақырым қашықтықта өзен жағасында орналасқан Тиллер деген шаһар.
Бұл туралы Reuters хабарлайды.
Қаланың аумағы 101 гектар. Шағын шаһарда мектеп, алт үй, қаңырап қалған сауда орталығы, өндіріс орындары мен басқа да нысандар бар.
Қазір қалада екі-ақ адам тұрып жатыр, бірі – бұрынғы мұғалім, бірі – дін қызметкері.
Ал қала маңында 250 адам өмір сүреді.
Қала алғаш рет 2015 жылы сатуға қойылған. Бірақ ол кезде мектеп ғимараты болмапты. Сатып алушы табылмаған соң қала иесі жергілікті ерлі-зайыптылар бағаны төмендеткен.
Олар қаланы 3,5 миллион долларға бағалап, және мектеп ғимараты үшін тағы 350 мың доллар сұрайды.
Тиллер қаласы 1902 жылы салынған. Бір жылдары бұл жерде ағаш дайындау шеберлері тұрған.
Бірақ уақыт өте ағаш өңдеу цехының жұмысы тоқтап, қала босап қалады.
Тиллер қаласының құны Астанадағы ең қымбат деген зәулім үйден де үш есе арзан.
Жуырда елордадағы зәулім үйлердің бірі 10,3 миллон долларға бағаланған еді.
Оқи отырыңыз:
Өзбекстанда анализ тапсырған ер адам жүкті болып шыққан
Қытайда салмағы 6,7 келі болатын алып бала өмірге келді
Тыржалаңаш отырған мектеп директорын суретке түсіріп алған оқушылардың басы дауға қалды
Шешенстан президентінің қызы алғаш рет өзінің сәнді топтамасын ұсынды (фото)