АҚШ-та бір топ құспен соқтығысқан «Боинг» шұғыл түрде қонды

Сиэтлдан ұшып шығып, Далласты бетке алған «Боинг» жолаушылар ұшағы сапар барысында бір топ құспен соқтығысқан.

Сурет twitter.com/ClancyKIRO7/

Бұл туралы 24.kz хабарлайды.

Салдарынан American Airlines лайнері шұғыл түрде Лос-Анджелес әуежайына табан тіреуге мәжбүр болған. Құстармен соқтығысу нәтижесінде ұшақтың тұмсығы едәуір майысып қалды.

Оқиға барысынша жолаушылар да, экипаж мүшелері де зардап шекпеген. Қазіргі таңда әуе кемесін тексерістен өткізіп, жолаушыларды Сиэтл қаласына жеткізу жағдайы қарастырылу үстінде.