АҚШ-та аязға шыдамай қайтыс болған тұрғындар саны 28 адамға жетті
АҚШ-та қаһарлы қыс салдарынан қаза тапқандар саны артты. 11 штатта төтенше жағдай жарияланып, ел астанасында көлік қатынасы жартылай шектелген.
Бұл туралы 24. кз хабарлайды.
Тіпті қалың қарға байланысты бүгін мемлекеттік мекемелер жұмыс істемейді деген де ақпар бар. Вашингтон, Нью-Джерси мен Нью-Йорк тұрғындарына билік көшеге шықпауға кеңес берген. 22 қаңтарда басталған боранның зардабын 90 млн Америка халқы тартып отыр.
Жергілікті ақпарат құралдарының хабарлауынша, кейбір аудандарда 70 сантиметрге дейін қар түскен. 200 мың үй электр жарығынсыз қалса, бірқатар өңірде сел жүреді деген де қауіп бар.
Осыған дейін синоптиктер Америкада ауа температурасы -50 градусқа дейін төмендейді деп болжаған еді. Американы буған сарышұнақ аяздың әзір босайтын түрі жоқ.
Талқылау