Ақмолалық бишілер әлемнің үздіктері атанды

Ақмоладағы “Реверанс” би клубының тәрбиеленушілері Челябинскіде өткен халықаралық турнирде үш алтын медаль ұтып алды.

Сурет instagram.com/dance_club_reverans

Бұл туралы Экспресс К басылымы хабарлайды.

Би алаңында Қазақстан, Ирландия, Италия, Испания, Швейцария, Латвия және Польшадан барған бишілер сынға түсті. Ресейлік бишілердің де фавориттер қатарында болғаны анық.

Біздің жерлестеріміз Данил Смирнов пен Амал Байсалбаев латынамерикалық бағдарламада – алтын, европалық би сайысында – күміс жүлдені еншіледі. Ал 8-9 жас аралығындағы сайыскерлер арасында қазақстандық жұп Абай Зейнулла мен Дарья Никифорова бас жүлде алды.