Ақмола облысында бензовоз аударылды
Ақмола облысында техникалық ақау салдарынан бензовоз аударылды. Бұл туралы Sputnik Қазақстан агенттігіне ішкі істер департаментінің баспасөз қызметі хабарлады.
Жол оқиғасы 13 қараша күні Көкшетау қаласына шыға берісте болған. АИ-92 маркалы бензин құйылған цистерналы көлік жыраға аударылды.
“Алдын ала болжам бойынша, көліктің рөлі істен шыққан. Салдарынан жүргізуші рөлге ие бола алмай, бензовоз жол жиегіне аударылды. Жүргізуші сау, зардап шеккен жоқ, оқиға орнына өрт сөндірушілер келді. Бензин 15 шаршы метр аумаққа төгілді”, — деп мәлімдеді полиция.
Апат фактісіне қатысты ҚР ҚК 322-бабы “Жерді бүлдіру” бойынша сотқа дейінгі тергеу басталды. Сараптамалар белгіленді.
Көкшетау ТЖБ-ден мәлімдегендей, төтенше жағдай орнына бірнеше арнайы техника жіберілген. Өрттің алдын алу үшін бензовоздың үстіне көбік төгілді.
“Аударылған бензовоздың иесі – фирма жанар-жағармайды цистерналардан тартып шығарды. Кейін техниканы көтеріп, эвакуациялады”, — деді құтқарушылар.
Оқи отырыңыз:
Самбодан әлем чемпионы әнұранды шатыстырып жіберген кезде қандай көңіл күйде болғанын айтты
Головкин: Екінші кездесуде «Канелоны» нокаутқа түсірем деп уәде бермеймін
Ақтөбе облысындағы мешіт имамдарының бірі оқушы қызының орамалын шешкізбей жүр
«Ағайынды төртеу» лақап атымен белгілі Еркін Ізбасардың бір жыл бойы жуынбағаны айтылды
Мәжілістің вице-спикері: Қазіргі БАҚ-тан кімнің кімге күйеуге шыққанын оқудан шаршайсың