Ақмола облысында полицейлер баланы қауып алған ротвейлерді атып тастады
Ақмола облысында ит 8 жасар баланы қауып алып, полицейге шабуыл жасаған.
Шабуыл жасаған итті полиция қызметкері атып тастады.
Оқиға өткен бейсенбіде Степногорск маңындағы Заводской ауылында болған.
Дәрігердің көмекшісі 2-сыныпта оқитын баланы ит қауып алғандығын, көптеген жерінен тістеп салғанын полицияға хабарлаған.
Учаскелік полиция қызметкері оқиға болған жерге барған. Ит иесінің мекен-жайын анықтау барысында ротвейлер полицейге шабуыл жасаған. Полиция қызметкері табелді қаруды пайдалануға мәжбүр болып, итке екі рет оқ атқан.
Талқылау