Ақмола облысында 4 жыл бұрын жасалған мал ұрлығының беті ашылды

Ақмола облысында 4 жыл бұрын жасалған мал ұрлығының беті ашылып,  ұры қолға түсті. Бұл туралы облыстық ІІД баспасөз қызметінен хабарлады, -деп хабарлайды Stan.kz.

Еске сала кетсек,  2011 жылы қазанда Ерейментау ауданының Өлеңті ауылында 27 бас ірі қара қолды болған еді. Осының салдарынан мал иесіне 4 миллион теңгенің шығыны келді. Аталған ұрлыққа байланысты ҚР ҚК 175 бабының 3 бөлімі бойынша қылмыстық іс қозғалып,  жедел-іздестіру шаралары барысында араға 4 жыл салып, күдікті 46 жастағы Павлодар облысының тұрғыны қолға түсті.

Тергеу амалдары барысында анықталғандай күдікті ұрланған малды Қарағанды қаласына апарып саудалаған.

Қазіргі кезде,  күдікті қылмысын мойындап, уақытша ұстау оқшаулағышына тоғытылды.