Соңғы жаңалықтар
Соңғы жаңалықтар

Абай Бегей үлкен қызымен ара-қатынасының жақсарып келе жатқанын айтты

Танымал әнші Абай Бегей Stan.kz ақпараттық агенттігінің тілшісіне тұңғышымен қазіргі ара-қатынасын айтып беріп, шығармашылығындағы жаңалықтарымен бөлісті.

Жақында Абай Бегей өзінен 16 жас кіші қызға үйленіп, екінші рет шаңырақ көтерді. Әнші БАҚ-қа берген сұхбатында әлдебіреулер тойдың алдында балалары мен әкесінің арасында іріткі салғанын айтқан. Ол тұңғыш қызы екеуінің ара-қатынасына сызат түскенін жасырмайды.

“Өсек, әңгімелер болды. Бәрі жақсы. Ол мысалға әркімнің өзінің жеке өмірінде, жанұясында ауытқулар болады ғой. Сол кезде біреулер араласпайды екен деген әңгімелерді айтқан. Қазір бәрі шүкір жақсы. Өмір болған соң, қызғаныш бар. Арада кішкене ренжісулер болды. Бірақ уақыттың өтуімен бәрі жақсы болып келе жатыр”, — деп ағынан жарылды әнші.

Абай Бегей жақын арада тыңдармандарын тың туындысымен қуантуды жоспарлап отыр.

“Ақбота Керімбековамен “Әлі де ұмытқан жоқпын” деген әнге бірге бейнебаян түсірдік. Туындының әнін де, сөзін де Ербол Спаналиев жазған. Бейнебаян бұйыртса жақын арада шығады. Қазіргі уақытта өзім жаңа әндер жазу үстіндемін. Жақында Ақтау қаласына барып, концерт беріп келдім”, — дейді ол.

 

 

Ескерту! Материалды көшіріп басуға қатаң түрде тыйым салынады.

Талқылау