89 жастағы әже жинаған зейнетақысын жұмсап әлемге саяхат жасап жүр (фото)
Красноярск қаласының 89 жастағы тұрғыны Елена әжей зейнетақысын жинастырып әлемді аралап саяхат жасап жүр. Соңғы жылдары ол Германия, Түркия, Польша, Вьетнамға табанын тигізген.
Бұл туралы life.ru хабарлайды.
Бірақ, әжей әсіресе Чехияны жақсы көріп, онда 5 рет барыпты.
Оның шетелге саяхат жасау туралы арманы алты жыл бұрын басталған.
“Мен мәселен жыл сайын Карлова Варға барып емделемін. Сонда бір әйелмен танысып едім, ол мені Германияға қонаққа шақырды. Келесі жылы мен онда ұшып, екеуміз бірге Чехияға бардық”, – деді Елена.
Туыстарының сөзінше, зейнеткер өзінің сапарын өзі жоспарлап, құжаттарын толтыру, турагенттіктермен келісу жұмыстарын өзі атқарады.
Оның құжатында туған жылы 00.00.1927 деп жазылған.
Дәл осы сандар әуежайда аздаған түсініспеушіліктер тудырады екен. Бірақ әзірге ешқандай қызметкер оның ұшуына қарсы болмаған.
“Маған бәрі таңқалып қарайды. Ондай болуы мүмкін емес деп ойлайды. Мен оларға жәй ғана күліп, менің саяхаттауым керек деп айтамын”, – дейді әже.
Соңғы рет ол Вьетнамға барған.
Ол жерде тек демалып ғана қоймай жергілікті асхананың дәмін татып, байкпен қаланы аралаған.