7 қыркүйек күні республиканың кей аймағында жаңбыр жауады

7 қыркүйек күні Қазақстанның басым бөлігінде атмосфералық фронтальды бөліктердің өтуіне байланысты кей жерлерде жаңбыр жауады, найзағай болады, ұйытқымалы жел соғады, тек оңтүстікте, оңтүстік-шығыста, орталықта және солтүстік-шығыста  жауын-шашынсыз ауа райы күтіледі.

Бұл туралы ҚР ІІМ ТЖК хабарлады.

Батыс пен орталықта түнде және таңертең кей жерлерінде тұман күтіледі. Батыс Қазақстан, Солтүстік Қазақстан, Шығыс Қазақстан, күндіз Ақмола, Маңғыстау, Ақтөбе, Қостанай  облыстарының кей жерлерінде жел 15-20 м/с күшейеді. Атырау облысында түнде және таңертең кей жерлерде тұман болады, күндіз жел 15-18 м/с күшейеді. Қарағанды облысында түнде және таңертең кей жерлерінде  тұман күтіледі.

Күндіз Алматы облысында  қатты ыстық күтіледі. Атырау, Қызылорда, Оңтүстік Қазақстан, Қарағанды, Алматы облыстарында,  Жамбыл, Ақтөбе, Батыс Қазақстан, Ақмола, Шығыс Қазақстан облыстарының кей жерлерінде өте жоғары өрт қауіпі сақталады.