50 жастан асқан модель әйелдер стереотиптерге бикини киіп қарсы тұрды (фото)
Британиялық JD Williams әйел киімдерін шығаратын бренді #MyBikiniSelfie акциясын бастап кетті. Бұл әйелдердің бикини кию арқылы өз-өздеріне деген сенімділігін ояту мақсатында жасалып отыр. Олар осы арқылы жас мөлшерінің түр-тұлға мен дене бітім үшін кедергі емес екенін дәлелдегісі келеді.
Кампания аясында әлі күнге іш киімдер жарнамасына түсетін 62 жастағы экс-модель Джили Джонсон мен 56 жастағы модель Никола Гриффин фотосессияға қатысқан.
Никола былтырдан бері ғана модель болғанына қарамастан, америкалық апталық журналдардың мұқабасына шығып үлгерді. Ол бикиниді де өмірінде алғаш рет осы акция аясында киіпті.
Әйелдердің 4 пайызы ғана 50 жастан кейін өздерін сенімді сезінеді екен. Яғни, олар бикинимен түскен суретін жариялай алады.
“Бұл акция әйелдердің сенімділігін оятып, оларды бақытты ете түседі”, – дейді Джилли.
Талқылау