40 жыл сахнада: Роза Рымбаеваның сырт келбеті қалай өзгерді (фото)
Биыл Роза Рымбаеваның сахнада жүргеніне 40 жыл толып отыр. Ол осы шығармашылық жылдары барысында сырт келбетіне көзге түсерлік өзгерістер енгізген емес: қысқа шаш, раушан гүлмен әшекейленген көйлек және риясыз күлкі. Десе де, әншінің ара-тұра енгізген өзгерістері де жоқ емес. Stan.kz сол өзгерістерді еске алуды жөн көрді.
Кеңес Өкіметі заманында Роза Рымбаева қою қара шашты, арық бойжеткен болатын. Көпшілік нәзік арудың таңдай қақтырар даусын естіп таңқалған-ды. Әсіресе, шетел мемлекеттері.
Әнші халық алдына алғаш ерлер стиліндегі шаш үлгісімен шықты.
Әнші біраз уақыт “Арай” ансамбльінде өнер көрсетеді. Естеріңізде болса, әншінің марқұм жұбайы Тасқын Оқапов аталған ансамбльдің көркемдік жетекшісі болатын. Дәл осы уақытта Роза Рымбаева көтеріліп, иыққа дейін түсіп тұратын шаш үлгісін таңдады.
Артынша әнші бұл шашын қысқартып, 80-жылдары сәнде болған ерлердікіндей шаш үлгісін таңдады. Мұнымен қатар, макияжында да айтарлықтай өзгеріс пайда болды. Көзін көк, жасыл түсті тендермен бояй бастады.
Роза Рымбаева үнемі сәнге лайық киінуге тырысатын. Мысалы, 80-жылдары диско стилі трендте болды. Бұл жолы ол химиялық бұйралауды таңдады.
Роза Рымбаеваның шашы ұзын болған кезі сирек. Десе де, ол бейнебаяндарының бірінде беліне дейін жеткен шашпен жүрген-ді. Түсірілім жұмыстары аяқталған соң, ол қайтадан халық алдына қысқа шашпен шықты.
Сол кездері жылтыр маталы киімдер сәнде болды. Роза Рымбаева әдеттегідей сәнге лайық киінуді жөн көрді. Бұл уақытта ол раушан гүлін фишка ретінде пайдаланбайтын. Оны тек танымал сәнгер Берік Ысмайыловпен бірігіп жұмыс істеген кезде киімдеріне енгізе бастады.
Әнші әрбір концертінде жаңа киім киіп шығатын. Бір көйлегін сахнаға қайталап киіп шықпайтынын оның өзі де мойындайды.
Қазіргі таңда әншінің таңдауы қызыл түсті көйлектерге түсіп жүр. Роза Қуанышқызы қарапайым тұрмыста макияжсыз жүретінін айтады.
Арада қанша жыл өтсе де, әншінің шаш түсі аса өзгерген емес: қара, қою қара, қоңыр, қара қоңыр. Десе де, бір кездері бірнеше түсті үйлестірген кезі де болған.
Әншінің көзге түсетін ірі әшекейлер тағып жүргенін сирек байқауға болады. Бұл сәнгерлердің кеңесі болса керек. Әдетте ол гүлді суреттері мен жылтыры көп көйлектер тіктіруге тырысады.
Роза Рымбаеваның сахнаға шалбармен, тым қысқа көйлекпен шыққан кезі сирек. Бірнеше жыл бұрын ол тыңдармандарын заманауи фотосессиясымен таңқалдырған-ды. Бұл әншінің бірнеше образға оңай ене алатынын байқатты.
Қазір әнші ерлердікінен сәл ұзынырақ шаш үлгісін таңдайды. Ал макияжы әр концертте әртүрлі. Кез келген әйелдің 59 жасында дәл осылай мінсіз көрінгісі келетінін анық.
Жіберіп алмаңыз:
Луина продюсерімен келісім-шартын тоқтатып тұрмысқа шығатынын мәлімдеді
Қайрат Нұртастың костюмін киген жеткіншек қуанғанынан әншіні құшақтап алды (видео)
Жанна Әбуова елдің сүйікті әншісінің тоқалы болып оған ұл туып бергенін мойындады
КешYOU-лік Ақбота өмірлік жар ретінде кімді таңдап алды? (фото)