Соңғы жаңалықтар
Соңғы жаңалықтар

40 жасымда бес баланың әкесі атандым: Қалқаман Сарин қызына қандай есім бергенін айтты

Жақында бесінші рет әке атанған Қалқаман Сарин қызы мен жарын перзентханадан шығарып алды. Қызына қандай есім бергенін айтты.

«Ойлап отырсам, мен өмірге келгенде әкем 40 жаста, анам 38 жаста болған екен. Былай айтқанда “Қырықбаймын” ғой. Марқұм анам 12 құрсақ көтерген. Мен он екіншісі, үйдің кенжесімін. Дәл қазір әкемнің жасында — қырықтамын. Қырық жаста 12 бала тудырған марқұм әкемдей бола алмасым анық енді. Асылық болмасын, шүкір деп айтайын, Жаратқан ием қырық жасымда бесінші баланың әкесі етті. Бірақ, “Қырықбай” емес, қырық шырақты қыз сыйлады. Алла тағала берген сыйын берекелі етсін!

Қалқаман Сарин перзентіне кімдерді кіндік ата-ана қойғанын атап өтті.

«Сөйтіп,  қызымызды кеше перзентханадан үйге əкелдік. Кернейлетіп керуен тартып, сырнайлатып серуен құрмадық. Жым-жырт барып алып келдік. Баба дәстүрімен кіндік әкесі мен шешесі деп Медет пен Клараны сайладық. Өмірде де, өнерде де жұбы жарасқан жандар. Өнер адамы деген өлшемге сай кісілік келбетін сақтап жүрген қарапайым да мерейлі отбасы. Өнерлі әйел адамының көркем үлгісін көрсетіп, көпшілік көзайымына айналған Кларадай болсын деп ырым еттік. Дос жоқ емес, дос көп. Шүкір! Әйтеуір, әдеттегі жағдай ғой деп аса ешкімді мазаламадық. (Тұрсынбек пен Мөлдірге айтсақ, перзентхананың ішін той қылып жіберер еді. Қайрат пен Лəззатқа рахмет! Қашанда ақ ниет, адал көңілмен алып-ұшып тұратын таза жандар. Екеуінің еңбегін ертеден кешке дейін айтып тауыса алмаймыз. Әрине, Мәди досымның да орыны мен  көңілі бөлек. Рахмет!», – деп жазды желідегі парақшасында.

Қалқаман Сарин: Ақынның 5 үздік өлеңі >>>

Достарына алғыс айта келе ақын аға бесінші перзентінің есімін жария етті.

Қызыңызға қандай есім қойдыңыз?”- деп сұраушылар да көп. Айтайын, қызымыздың атын жанашыр ағамыз Абдулла қари азан шақырып Айша Нұр деп қойды. Қызымыздың есімі – Айша-Нұр!Айша-Нұр Қалқаманқызы!Қысқасы, жаңалық осы.Аман болыңыздар! Қоңырау шалып, хабарлама жолдап құттықтағандарға мың алғыс! Баршаңызға Алла разы болсын! Перзентханаға жиі барып тұрайық!», – дейді ол.

Талқылау