4 жасар қытайлық бала екі апта бойы 500 шақырым жүріп Пекинге жеткен
39 жастағы жүк көлігінің жүргізушісі Чжан Цзюнгуан мен оның 4 жасар ұлы Чжан Цзябо Пекинге жету үшін роликпен 500 шақырым жол жүрген. Олар роликпен қалаға екі апта жүріп барған.
Сурет: Weibo
Пуян қаласының тұрғыны Пекинге барып, Тяньаньмэнь алаңындағы туды түсіру салтанатына қатыспаққа бекінеді. Ол қалаға жету үшін өзі 20 жыл бойы теуіп келген роликпен баруды ұйғарады.
22 наурыз күні таңертең Чжан мен ұлы ролик киіп жолға шыққан. Әр күн сайын олар 30 шақырымдай жүріп отырған. Әкесі ұлының 2 жасынан бастап ролик теуіп үйренсе де, жол бойында жылағанын айтады.
Сурет: mc.hertzbeat.ru
Алайда әкесі ұлының жылағанына қарамай әрі қарай жүруін тоқтатпаған. Кейіннен осы сапары жайында желіге жариялап, ұлымен мақтанатынын айтқан. Ол бұл сапар ұлының есінде мәнгі қалатынына, оны батылдандыра түсетініне сенімді.
Әкесі мен ұлы Пекин қаласына жеткен соң Тяньаньмэнь алаңына барған. Олар қаланың өзге де көрікті жерлерін тамашалау үшін қаланы 8 күн бойы аралаған. Ал, олардың үйіне қалай қайтқаны белгісіз.