30 келі салмақ тастаған бойжеткен арықтаудың құпиясымен бөлісті
Ару Бұхарбай мектеп кезінен бастап артық салмақтан зардап шеккен. Алайда ұзақ уақыт бойы арыла алмаған. Тек соңғы 3 жылда семіздікпен белсенді түрде күресіп, 30 келі салмақтан арылыпты.
Бойжеткен арықтаудың құпиясымен “Мақпал мекен” бағдарламасында бөлісті, деп хабарлайды Stan.kz ақпараттық агенттігі.
Ару 1-сыныпта оқып жүрген кезінен бастап артық салмақ қоса бастаған. Бойжеткен артық салмақтың ең үлкен себебі – тамақты көп жеу екеніне сенімді. Әйткенмен, адам өміріндегі психологиялық факторлар әсер ететін кездер де болады, дейді ол.
Мәселен, Ару 11-сыныпта оқып жүрген кезде ҰБТ-ға дайындаламын деп көп салмақ қосып алыпты.
“Себебі уайымнан деп ойлаймын. Қобалжып, қолыңа түскен азықты аузыңа сала бересің. Содан семіресің”, – дейді Ару.
Бұдан кейін бойжеткен арықтауының құпиясымен бөлісті.
“Салмақты тез жинаймын да, тез арықтаймын. Диетаны қолға алып, тамақты уақытылы жеп, спортпен айналыса бастасам, бір аптаның ішінде 3 келі салмақты еш қиындықсыз тастай аламын. Ал егер де фаст-фуд жеп, газдалған сусын іше бастасам, дәл сол салмақты қайта қосып аламын”, – дейді бойжеткен.
Ару артық салмақтан арылу үшін адам өзінің ойын өзгерту керек деген сенімде.
“Егер де өзіңді жақсы көрсең, сенің қолыңнан барлығы келеді”, – дейді Ару.
Stan.kz сайтын Telegram арқылы оқыңыз. Арнамызға жазылыңыз.