26 жастағы Қаскелең тұрғыны күні-түні онлайн-ойын ойнап, инсульт алды
Алматы облысының тұрғыны ойынға деген құмарлықтың қаншалықты қауіпті екеніне көз жеткізді. Мұнда психологиялық проблемалар емес, өмірге төнген қауіп туралы айтылып отыр.
Бұл туралы ҚазАқпарат хабарлайды.
26 жастағы Қаскелең тұрғыны бірнеше түн бойы «Танктер» онлайн-ойынын ойнаған. Кейін қолы әлсіздене бастағанын, одан кейін жалпы әлсіздікті сезініп, соңыра жігіт есінен танып қалған, деп хабарлады №7 қалалық клиникалық ауруханасының баспасөз қызметінен.
Жігіт ауруханаға жеткізілді. Ол қалалық аурухананың реанимациясында бір тәулікке жуық жатқан. Жігіт инсультке шалдыққан. Денесінің бір бөлігі толық істен шыққан. Кейін оны Алматы қаласының №7 қалалық клиникалық ауруханасына ауыстырды. Мұнда №1 инсульт бөлімшесінің мамандары жігіттің өміріне араша түсті. Бірнеше күннен кейін ол қайта қозғала бастады, кейін өздігінше жүріп, сөйлей бастады.
Медициналық мекемеде түсіндіргендей, 9 күннен кейін жігіт жүрді, оң қолын қозғалта алады, сөйлейді, дегенмен сөйлеу қабілеті нашарлаған.
Оқи отырыңыз:
Америкада видео ойынға беріліп кеткен ер адам өзіне бөгет жасаған ұлын өлтірді