24 жастағы қазақстандық Ресейден қайтар жолда жоғалып кетті
Шығыс Қазақстан облысының 24 жастағы тұрғыны Артур Лаць 8 қыркүйек күні жоғалып кетті. Әйелінің айтуынша Артур Ресейдегі танысына кетіп, бір күннен соң қайтуға жиналып жатқанын айтыпты. Бірақ сол күйі үйіне оралмаған.
Бұл туралы “Өскемен Жаңалықтары” хабарлайды.
“Артур 7 қыркүйек күні Ресейдегі танысына бару үшін үйден шығып кетті. Ол танысын білмеймін, көрген де емеспін. Келесі күні хабарласып, үйге қайтып келе жатқанын айтты. Бірақ келген жоқ. Оның телефоны өшірулі”, – дейді Елена.
Өңірдің ішкі істер басқармасы жігіттің жоғалғаны туралы ақпарат 15 қыркүйек күні түскенін, және іздеу шаралары жүріп жатқанын хабарлады. Қазіргі таңда барлық шекара бекеттеріне бағдарлау хабарламалары жіберілген.
Оқи отырыңыз:
Алматыда дәмхана өртенді (видео)
Астанада Назарбаев университеті аумағында жаппай төбелес болды (видео)
Талқылау