18 жастағы Рената Нұрғазина «Мисс Қарағанды-2015» атанды
5 қараша күні кеншілер шаһарындағы Сәкен Сейфуллин атындағы театрда «Қарағанды аруы-2015» байқауының финалы өтті. Қарағанды өңірінің ең әдемі аруы атану үшін мұнда 22 үміткер бақ сынасты.
Байқау қорытындысы бойынша 18 жасар Рената Нұрғазина жеңімпаз атанды.
«Бүгін мен «Қарағанды аруы-2015» атандым. Өзіме қолдау көрсеткен барша жұртқа, оның ішінде ата-анама, достарыма, бізбен асқан төзімділікпен жұмыс жасаған жандардың барлығына зор алғысымды білдіргім келеді. Байқауға қатысқан қыздардың барлығы өте әдемі, олардың әрқайсысы ару тәжін киюге лайық», – деп жазады Рената өзінің Инстаграм-дағы парақшасында.
Енді ол 10 желтоқсанда Астанада өтетін, еліміз бойынша аймақтық сындардың жеңімпаздары қатысатын «Қазақстан аруы-2015» байқауында бағын сынайтын болады.
Талқылау