14 мамырда кей жерлерде жел күшейіп, жаңбыр жауады, тұман түседі

Қазақстанның көптеген аймағында атмосфералық фронтальды бөліктердің өтуіне байланысты кей жерлерде  күн күркіреп, жаңбыр жауады, тұман, жел күшейеді.

Бұл туралы “ҚазАқпарат” хабарлайды.

Қазгидрометтің хабарлауынша, Қостанай, Солтүстік Қазақстан облыстарында  түнде кей жерлерде тұман түседі,  жел  екпіні 15-20 м/с. Шығыс Қазақстан, Ақмола, Жамбыл, күндіз Павлодар, Батыс Қазақстан облыстарында кей жерлерде желдің жылдамдығы  15-20 м/с.-қа жетеді.

Маңғыстау облысында түнде және таңертең кей жерлерде тұман түседі. Шығыс Қазақстан облысында кей жерлерде 1 градусқа дейін суытады.